હાર્ટ એટેકનું વધતું જોખમ: ગુજરાતમાં હાર્ટ એટેકથી થતા મૃત્યુની સંખ્યા સતત વધી રહી છે. ગુજરાતના યુવાનોમાં જ હ્રદયરોગના કેસોની સંખ્યામાં વધારો થઈ રહ્યો છે. નવરાત્રિ દરમિયાન હૃદયરોગના 766 કેસ નોંધાયા છે. અમદાવાદમાં મહાનવમીના અંતિમ દિવસે 32 કાર્ડિયાક ઈમરજન્સી નોંધાયા હતા. ગઈકાલે મંગળવારે હૃદયરોગના હુમલામાં ચાર લોકોના મોત થયા હતા અને આજે એક પુત્રીનું હૃદયની સમસ્યાથી મૃત્યુ થયું હતું.
હાર્ટ એટેકનું વધતું જોખમ
નવરાત્રિમાં સાંજે 6 વાગ્યાથી રાતના 2 વાગ્યાની વચ્ચે 766 કાર્ડિયાક ઈમરજન્સી નોંધાયા હતા. અને, જેમાંથી 108 લોકોને એમ્બ્યુલન્સ દ્વારા સારવાર માટે હોસ્પિટલમાં મોકલવામાં આવ્યા હતા. રોજના આ આઠ કલાકના સમયગાળામાં ગુજરાતમાં નિયમિત કામકાજના કલાકો દરમિયાન 88ની સરખામણીમાં સરેરાશ 85 કોલ આવ્યા છે.
કોલના સામે 2.81 ટકાનો નજીવો ઘટાડો જોવા મળ્યો છે. અમદાવાદમાં નવરાત્રી દરમિયાન દરરોજ 22 કાર્ડિયાક સંબંધિત ઈમરજન્સી કોલ જોવા મળ્યા હતા. નવ દિવસના સમયગાળામાં, દરરોજ સરેરાશ 4161 કોલ્સ રેકોર્ડ કરવામાં આવ્યા હતા, જે કાર્ડિયાક સમસ્યાઓ તેમજ વાહન અકસ્માત, બીપી, ચક્કર અને પડી જવાને લગતા હતા.
108 ઈમરજન્સી સેવામાં વધારો
108 ઈમરજન્સી સેવા પ્રદાતાઓની માહિતીના આધારે ગુજરાતમાં છેલ્લાં નોરતામાં હૃદય રોગ સંબંધિત 93 કોલ્સ સાંજથી રાત દરમિયાન પ્રાપ્ત થયા છે, એ જ રીતે 22મી ઓક્ટોબરે 82, 21મી ઓક્ટોબરે 70, 20મી ઓક્ટોબરે 76, 19મી ઓક્ટોબરે 102, 18મી ઓક્ટોબરે 109, 17મીએ 69, 16 ઓક્ટોબરના રોજ 92 અને પહેલાં નોરતે એટલે કે 15મી ઓક્ટોબરે 73 કોલ્સ કાર્ડિયાક ઈમરજન્સીના મળ્યા છે.
આ પણ વાંચો : તવાંગમાં રક્ષામંત્રી રાજનાથ સિંહે સેનાના જવાનો સાથે કરી શસ્ત્ર પૂજા
અમદાવાદ શહેરમાં છેલ્લાં નોરતે સૌથી વધુ 32 હૃદય રોજ સંબંધિત ઈમરજન્સીના કેસ મળ્યા હતા. ગુજરાતમાં શ્વસનની તકલીફ માટે સરેરાશ 98 કોલ આવ્યા હતા, એકંદરે 10% ઘટાડો થયો હતો, તહેવારોની મોસમ દરમિયાન ડાયાબિટીસને લગતાં ઈમરજન્સી કેસમાં 16 % નોવધારો થયો હતો, આઠ કલાકના સમયગાળા દરમિયાન રોજના સરેરાશ 19 જેટલા કોલ્સ નોંધાયા છે, સામાન્ય દિવસોમાં આ સમયગાળામાં 16 જેટલા કોલ્સ આવતાં હોય છે.
મહત્વની લિંક
| વધુ માહિતી માટે WhatsApp ગ્રૂપ જોઇન કરો | અહિં ક્લીક કરો |
| અમને Google News પર ફોલો કરો | અહિં ક્લીક કરો |
