Bangladesh Train Accident: ઈગારો સિન્દુર અને માલગાડી ટ્રેન વચ્ચે ટક્કર, ડ્રાઈવરની ભૂલથી થયો અકસ્માત

Bangladesh Train Accident: સોમવારે બાંગ્લાદેશના કિશોરગંજમાં ઈગારો સિન્દુર એક્સપ્રેસ ગોધુલી પેસેન્જર ટ્રેન અને માલગાડી વચ્ચે ભયાનક ટક્કર થઈ હતી. આ દુર્ઘટનામાં લગભગ 100 લોકો ઘાયલ થયા હતા અને 15 લોકોના મોત થયા હતા. રાજધાની ઢાકાથી લગભગ 80 કિમી દૂર ભૈરબ વિસ્તારમાં આ દુર્ઘટના બની હતી. ઘટનાસ્થળે રહેલા લોકોએ સ્થાનિક મીડિયાને જણાવ્યું કે દુર્ઘટના એટલી ભયાનક હતી કે તેઓએ ટ્રેનોની જોરદાર ટક્કર સાંભળી. હજુ પણ ઘણા લોકો ટ્રેનની નીચે ફસાયેલા છે. અમુક લોકો ભાંગી પડેલા કોચની નીચે પડેલા છે. ફાયર વિભાગના અધિકારીઓ ઘટના સ્થળે પહોંચી ગયા હોવાથી બચાવ પ્રયાસો શરૂ કરી દેવામાં આવ્યા છે.

Bangladesh Train Accident

ઈગારો સિન્દુર અને માલગાડી ટ્રેન વચ્ચે ટક્કર

ઢાકા રેલ્વે પોલીસના અધિક્ષક અનવર હુસૈનના જણાવ્યા અનુસાર, “માલગાડી ટ્રેને ઈગારો સિન્દુર એક્સપ્રેસ ગોધુલી ટ્રેનને પાછળથી ટક્કર મારી હતી.” ભૈરબમાં સાદીકુર રહેમાન નામના સરકારી પ્રતિનિધિએ એએફપીને જણાવ્યું, “અમે 15 મૃતદેહો બહાર કાઢ્યા છે અને ઘણા લોકો હજુ ઘાયલ છે.” મૃત્યુઆંક વધવાની શક્યતાને સંપૂર્ણપણે નકારી શકાય તેમ નથી.

આ પણ વાંચો : આ દશેરા પર રાવણ દહન ક્યારે થશે? કયું છે શુભ મુહૂર્ત?

હજુ પણ લોકોને બચાવવાનું કામ ચાલું

આ અકસ્માતમાં સંખ્યાબંધ લોકોને ગંભીર ઈજાઓ પહોંચી છે. હાલમાં બચાવ અને રાહત કામગીરી ચાલી રહી છે. ઘાયલ લોકોને એમ્બુલન્સ હોસ્પિટલ લઈ જઈ રહી છે. વધુમાં ત્યાંના લોકો ઘાયલ થયેલા લોકોને બહાર કાઢવામાં બહુ મદદ કરી રહી છે. ટ્રેન અથડામણની તસવીરની તપાસ કરીને અકસ્માતની ગંભીરતાનો અંદાજ લગાવી શકાય છે. ટ્રેનનો એક કોચ આખો ઊંધો થઈ ગયો છે.

મહત્વની લિંક