Jio Phone Prime 4G: તહેવારોની સિઝનમાં Jio એ લોન્ચ કર્યો 4G ફોન, કિંમત સાંભળીને તમે દંગ રહી જશો

Jio Phone Prime 4G: તહેવારોની સિઝનને ધ્યાનમાં રાખીને રિલાયન્સ જિયોએ Jio Phone Prima 4G લોન્ચ કર્યો છે. જેની કિંમત ઘણી ઓછી રાખવામાં આવી છે. આ સાથે જ આ લેટેસ્ટ Jio ફોન ઘણી એપ્સને સપોર્ટ કરે છે. તમને જણાવી દઈએ કે, યુટ્યુબ સિવાય રિલાયન્સ જિયોનો Jio Phone Prima 4G ફોન ઈન્સ્ટન્ટ મેસેજિંગ એપ WhatsApp અને સોશિયલ મીડિયા એપ Facebook જેવા ફીચર્સને સપોર્ટ કરે છે.

Jio Phone Prime 4G

Jio Phone Prima 4G એ Reliance Jio નો સૌથી નવો ફોન છે. વાસ્તવમાં કંપની દ્વારા ઇન્ડિયન મોબાઇલ કોંગ્રેસ 2023 (IMC) દરમિયાન ઉપકરણનું અનાવરણ કરવામાં આવ્યું હતું, અને તે હાલમાં JioMart વેબસાઇટ પર ખરીદી માટે ઉપલબ્ધ છે. તેમાં હાઇ-એન્ડ ડિઝાઇન છે અને તે ફીચર ફોન છે. આ ફીચર ફોન યુટ્યુબ અને વોટ્સએપ જેવી અનેક સોશિયલ મીડિયા એપ્સ ધરાવે છે. ચાલો આ ફોનને વધુ વિગતવાર તપાસીએ.

જાણો શું છે કિંમત?

જાણકારી માટે તમને જણાવી દઈએ કે આ ફોનની કિંમતને લઈને સૌથી વધુ સવાલો આવી રહ્યા છે. કિંમતની વાત કરીએ તો આ 4G ફોનની કિંમત 2,599 રૂપિયા નક્કી કરવામાં આવી છે. ઉપલબ્ધતા વિશે વાત કરીએ તો અહેવાલો અનુસાર તમે આ ફોનને JioMart ની સત્તાવાર સાઇટ પરથી ખરીદી શકો છો. મીડિયા રિપોર્ટ્સ અનુસાર આ હેન્ડસેટ બ્લૂ અને યલો એમ બે કલર વેરિઅન્ટમાં રજૂ કરવામાં આવ્યો છે.

આ પણ વાંચો : બેટરી સંચાલિત ત્રિ ચક્રી વાહન યોજના 2023

જાણો શું છે વિશેષતાઓ?

જો આ ફોનના ફિચર્સ વિશે વાત કરીએ તો આ ફોનમાં 320×240 પિક્સલ રિઝોલ્યુશનવાળી TFT ડિસ્પ્લે છે. તમે તમારી મનપસંદ ભાષામાં આ ફોનનો ઉપયોગ કરી શકશો કારણ કે આ 4G ફોન 23 ભાષાઓને સપોર્ટ કરે છે. આ Jio ફોનમાં 1800 mAh ની બેટરી આપવામાં આવી છે. કેમેરા સેટઅપની વાત કરીએ તો ફોનના આગળના ભાગમાં 0.3 મેગાપિક્સલનો કેમેરા સેન્સર ઉપલબ્ધ છે.

આ સાથે 1 વર્ષની વોરંટી સાથે આવતા આ ફોનમાં સ્પીડ અને મલ્ટીટાસ્કિંગ માટે ARM Cortex A53 ચિપસેટનો ઉપયોગ કરવામાં આવ્યો છે. આ ફોનના સ્ટોરેજને 128 જીબી સુધી વધારવાની પણ સુવિધા છે. કનેક્ટિવિટી માટે, આ ડિવાઇસમાં બ્લૂટૂથ વર્ઝન 5.3 સપોર્ટેડ છે. આ સિવાય વાયર્ડ માઇક્રોફોન ઇન્સ્ટોલ કરવા માટે 3.5 mm હેડફોન જેક અને FM રેડિયો જેવા ફીચર્સ આપવામાં આવ્યા છે.

મહત્વની લિંક